Исхрана по крвни групи – Б

Балансиран и здрав тип Б значи избегнување на лектин штетна храна, намалување на јаглехидрати во исхраната и да не се прескокнуваат оброци.

Овој тип крвна група носи потенцијал за исклучителна прилагодливост и способност да се движи во сите правци и да се развива со промените. Креативноста и решавањето на комплицирани проблеми се основни ментално-емотивни карактеристики на овој тип.

Основни здравствени предизвици за овој тип се тенденцијата да произведува повеќе од нормалното ниво на кортизол во стресни ситуации (што во повозрасните години носи ризик од Алцхајмерова болест или сенилност, а кај децата од аутизам), изразена чувствителност на Б-лектини во одредна храна (особено пилешко, пченка и кикиритки) што резултира со воспаленија, одредна склоност да „закачи“ споро напредни вируси како оние кои предизвикуваат мултиплекс склероза или лупус и подложност на автоимуни заболувања.

Освен склоноста кон зголемено ниво на кортизол и последични опасности од намален имунитет, типот Б носи зголемен ризик од хронични вирусни инфекции, хронични симптоми на замор и екстремно висок или низок крвен притисок.

Благодарение на релативно добрите ензими на стомачните алклани фосфатази, типот Б лесно ги разбива маснотиите, што, ако се и метаболичките процеси во рамнотежа, дополнително го штити од срцеви заболувања и дијабетес, а ја јакне и неговата коскена градба. Меѓутоа, метаболичката рамнотежа кај типот Б е од големо влијание на лектините, што, доколку не е под контрола, го зголемува ризикот од хипогликемија и гијазност, а со годините влијае и на намалувањето на либидото. Имуниот систем е посебна грижа, бидејќи многу бактерии имаат антигени на типот Б, така што силен грип, гастро проблеми, синуси и инфекции на уринарниот тракт се чести при пад на имунитетот.

Балансиран и здрав тип Б значи избегнување на лектин штетна храна, намалување на јаглехидрати во исхраната и не прекоскнување оброци. Заморот кај овој тип се лекува со внесување на протеини. Витамините Ц и Б (особено Б1 и Б6) и цинк се препорачуваат како додатоци во исхраната.

Исклучително корисно за овој тип се смета јагнешкото месо и рибата. Но треба да избегнува пилешко, свинско, димен лосос, школки, шкампи, шунка и сланина.

Млеко, млечни производи и јајца треба да внесува три до пет пати во неделата. Кога станува збор за зеленчукот, освен суров, може да консумира и подготвен на скара, но да избегнува домат, пченка, тиква, маслинки и леќа. Од овошје како најкорисно за овој тип се сметаат бананите, грозјето, сливите и ананасот, додека треба да избегнува крушки, кокос и калинки.

Типот Б треба практично да ги избегнува сите семиња, освен ореви, сусам, сончоглед, тиква, кикиритки и ф’стаци, како и пченишно и ‘ржано брашно. Нането, жалфијата, зелениот чај и магдоносот се одлични чаеви за типот Б, а треба да не консумира газирани пијалаци.