ИСТРАЖУВАЊЕ ПОКАЖАЛО: Не го менувајте матичниот лекар ако сакате подолго да живеете

Пациентите кои имале ист матичен лекар 15 или повеќе години имале за 30 проценти помала веројатност дека ќе им бидат потребни здравствени услуги надвор од работното време, а 28 проценти е помалку веројатно дека ќе бидат примени во болница. Предностите се зголемуваат колку подолго пациентот го познава својот лекар, тврдат норвешките научници кои стојат зад ова истражување.

Посетите кај ист матичен или семеен лекар низ период од најмалку 15 години ја намалуваат можноста за смрт низ следните 12 месеци за една четвртина во споредба со ллицата кои го познаваат лекарот покусо од една година, покажало големо истражување.

Градењето на долготраен однос со лекарот го намалува ризикот од хоспитализација поради неколку болести, вклучувајќи болести на срцето и дијабетес, открило истражување неодамна објавено во британското списание Private Practice.

Пациентите кои имале ист матичен лекар 15 или повеќе години имале за 30 проценти помала веројатност дека ќе им бидат потребни здравствени услуги надвор од работното време, а 28 проценти е помалку веројатно дека ќе бидат примени во болница. Предностите се зголемуваат колку подолго пациентот го познава својот лекар, тврдат норвешките научници кои стојат зад ова истражување.

“Ако го напуштите матичниот лекар кој сте го имале над 15 години, ризикот од потреба за прием во болница или смрт, значајно се зголемува следната година“, толкува проф. Хогне Сандвик од Универзитетот во Берген.

Стручњаците веруваат дека причината би можела да биде таа што пациентите градат доверба со еден лекар од општа пракса, не мораат да ја повторуваат својата приказна, се чувствуваат безбедно во разговор со истиот лекар и полесно се снаоѓаат во здравствениот систем.

Новата студија се темели на податоци од околу пет милиони пациенти во Норвешка. Истражувачите анализирале колку долго пациентите биле пријавени кај ист матичен лекар, споредувајќи го тоа со стапката на приеми во болница и смртни случаи во 2018 година.