Италијанските научници и готвачи тврдат дека направиле пица која спречува појава на рак и срцеви заболувања. Пицата наречена „паскалина“ е направена во Неапол, а ја нарекуваат „пица која го продолжува животот“ и „антитумор пица“. Паскалина е направена од состојки од медитеранската кујна за која се знае дека има добро влијание врз здравјето на човекот. Овој специјалитет ќе се продава во текот на фестивалот за пица во Неапол.
Научниците од Националниот институт за тумор во Милано изјавиле дека оваа пица можете да ја јадете два пати неделно. Пицата е направена од страна на тим на истражувачи, угостители, произведувачи на храна и консументи. Тие се надеваат дека ќе ги охрабрат луѓето да се хранат здраво и ќе им покажат дека пицата може да биде здрав оброк. Тестото е стандардно, од бело брашно, а на него се наоѓаат шери домати, маслинки, маслиново масло, лук, чили и рапини – лиснат зеленчук. Овие здрави состојки го намалуваат ризикот од кардиоваскуларни заболувања и неколку типови на рак на дигестивниот систем.
