Избегнувајте ги овие намирници и ќе заборавите на надуеност

Дознајте кои се тие осум најголеми предизвикувачи на непријатно чувство во желудникот, кои можат да ви го расипат денот предизвикувајќи надуеност.

ОБРАБОТЕНО МЕСО

Разни салами, виршли…, се некои од месните производи полни со тешко преработливи маснотии и натриум кој предизвикува надуеност.

СМРЗНАТИ ЈАДЕЊА

Некои замрзнати јадења се нискокалорични, но содржат и до 500мг натриум, што е речиси 25% од препорачаната дневна доза. Последица е задржување на вода и надуеност.

ДИЕТАЛНА ХРАНА

Бомбони и гуми за џвакање без шеќер, како и диеталните плочки од житарки, често содржат засладувачи xylitol, sorbitol i maltitol. Овие хемикалии може да го пореметат системот за варење и да предизвикаат надуеност и дијареа.

ПРЖЕНА ХРАНА

Ништо нема побрзо да ве надуе од чизбургер со пржени компири. Мрсната и калорична храна тешко се вари, заради што организмот треба повеќе да се напрегнува, што предизвикува проширување на желудникот додека ја вари храната.

КОНЗЕРВИРАНА ХРАНА

Поголемиот дел од конзервираните овошје и зеленчук се пакуваат во солена течност која го чува нивниот природен вкус. Надуеност може да се ублажи ако храната ја исплакнете под силен млаз вода околу 30 секунди.

СВЕЖА БРОКУЛА

Кај некои луѓе брокулата и карфиолот може да предизвикаат надуеност и гасови. Но, тоа не е причина да се избегнува. Консумирајте го во помали количини, додека организмот не се навикне на нив.

КОКТЕЛИ

Звучи необично, но ако зборувате додека пиете, или ако пиете алкохол со цевка, постои голема шанса да проголтате вишок воздух кој ќе ве надуе.

ГУМА ЗА ЏВАКАЊЕ

Гумите за џвакање помагаат да ги оттргнат мислите од храна, но тогаш голтате воздух кој предизвикува ширење на желудникот.