Боранијата е зеленчук од групата на мешункасти растенија како гравот, грашокот, леќата и наутот. Таа е нискокалорична, но затоа е богата со растителни влакна и протеини. Само една шолја боранија содржи доволно протеини за цел ден. Таа дури содржи и омега-3 масни киселини (се разбира, од растително потекло).
Оваа здрава намирница е богата со витамин К, кој има значајна улога во згрутчувањето на крвта и дистрибуцијата на калциум во организмот. Богата е и со витамин Ц, а содржи и витамини од Б-групата, вклучувајќи ги Б1, Б2, Б3, Б6 и фолна киселина (природен облик на витамин Б9), како и витамин А.
Боранијата содржи бакар, хром, магнезиум, калциум, натриум, фосфор и железо. Особено е корисна затоа што има значителна количина на силициум, кој е многу важен за здравјето на коските и сврзните ткива
Поради сето ова, консумацијата на боранијата влијае многу позитивно врз организмот. Пред се, боранијата е диетална намирница, богата со влакна и затоа е повеќе од препорачлива за сите диети за намалување на вишокот на килограми. Исто така, придонесува и за регулирање на варењето и добро функционирање на цревата.
Некои студии сугерираат дека консумацијата на боранија помага во намалување на холестеролот, но за да се постигне оптимален ефект за оваа намена е најдобро да ја сварите кратко на пареа.
Боранијата има многу низок гликемиски индекс, па затоа е погодна за дијабетичари. И не само тоа – нејзиниот специфичен состав (богатство на растителни влакна и содржина на хром) ја прават особено корисна во поглед на нивото на шеќер во крвта, односно придонесува за негово регулирање.
