Карфиолот му припаѓа на семејството зелки и важи за еден од најлековитите зеленчуци. Многу истражувања покажаа дека е одличен во борбата против ракот на дојката, дебелото црево, белите дробови, јајниците и ракот на мочниот меур.
Карфиолот е омилен зеленчук и на нутриционистите, а во современите рецепти делува како одлична замена за ориз, па дури и за тестенини. Освен што има загарантирано место во кујната, карфиолот изобилува и со низа здравствени придобивки.
Карфиолот е нискокалоричен, во 100 г карфиол има само 25 калории
Ве држи сити подолго време и ја регулира столицата
Поради високата содржина на влакна, карфиолот ве држи долго време сити, а притоа ја регулира столицата.
Антиканцерогени својства
Свежиот зеленчук докажано го намалува ризикот од одредени видови на рак, а во тоа особено добри се покажаа членовите на семејството зелки. Карфиолот е вистинска ризница на антиоксиданти и хранливи материи кои го стимулираат исфрлањето на токсините, а богат е и со глукозинолат, кој содржи сулфур, еден од главните „борци“ против клетките на ракот.
Здравје на коските
Карфиолот е преполн со витамин Ц, манган и витамин К, кој во комбинација со калциум ги зајакнува коските. Затоа се препорачува да се внесува заедно со некои други намирници богати со калциум, како што се млечни производи и зелен лиснат зеленчук.
Една шолја суров карфиол содржи: Количина: Корисен за:
Влакна 2 g Варење
Протеини 2 g Обновување на мускулите
Јагленихидрати 5 g Енергија
Калиум 320 mg Го регулира нивото на течности во организмот
Калциум 24 mg Коски
Витамин Ц 51 mg Имунолошки систем
Витамин К 15 µg Учествува во нормалното згрутчување на крвта
