ЈАДЕТЕ КОГА ВИ Е ЗДОДЕВНО? Еве како да спречите емоционално прејадување

Сите сме се соочиле со емоционално прејадување, но малкумина отворено зборуваат за тоа. Емоционалното прејадување е еден од најчестите прехранбени проблеми. Многу луѓе не можат да препознаат кога нивното јадење е предизвикано од емоции, а не реално чувство на глад.

Од детството луѓето се учат да се соочуваат правуваат со негативните емоции, што често вклучува и нивно потиснување, а голем број луѓе своите емоции ги потиснуваат токму со храна.

Веројатно барем еднаш ви се случило да гледате филм, серија или да играте игра, да разговарате на телефон, да работите на компјутер и наеднаш да почувствувате потреба за храна, а ако подобро размислите,  воопшто не сте гладни. Па зошто тогаш сакате да јадете?

Луѓето често велат дека едноставно сакаат храна. Кога луѓето всушност ќе ја разберат смислата на храната и знаат да препознаат вистински глад, тоа не се случува. Меѓутоа, постои нешто што ве привлекува малку да грицнете. Тоа се нарекува емоционално јадење.

Емоциите кои најчесто се поврзуваат со јадењето се:

  • Здодевност
  • Оддолговлекување
  • Тага или депресија
  • Возбуда
  • Стрес

Постојат многу емоции вклучени во емоционалното јадење. Дури и позитивните емоции можат да ве поттикнат да јадете. Тоа е затоа што понекогаш е тешко да се справите со чувствата, дури и со позитивните.

Стресот е најчестата емоција која не поттикнува да јадеме. Многумина велат дека во последно време не им се случило ништо стресно, но темпото на живот денес е прилично стресно само по себе. Веќе сме навикнати на тој стрес бидејќи е толку вообичаен.

Прејадувањето поради емоции формира маѓепсан круг. Соочувањето со вистинскиот проблем се оддолговлекува, доаѓа до обезност која води до незадоволство, здравствени проблеми и најчесто депресија и стрес, кои сакаме одново да ги лекуваме со храна и така до недоглед.

РАЗЛИКИ ПОМЕЃУ ЕМОЦИОНАЛНИОТ И ФИЗИЧКИОТ ГЛАД

Постојат неколку разлики помеѓу емоционалниот и физичкиот глад:

  1. Емоционалниот глад доаѓа нагло, физичкиот глад се јавува постепено.
  2. Кога станува збор за емоционален глад, ви се јаде нешто конкретно (парче пица, сладолед, чоколадо), додека кога станува збор за физички глад, отворени сте за сите опции.
  3. Емоционалниот глад создава чувство дека треба веднаш да го задоволите гладот, додека со физичкиот глад можете да чекате подолго.
  4. Дури и кога сте сити, емоционалниот глад ве поттикнува да јадете повеќе, додека да е во прашање физички глад, би престанале да јадете штом се чувствувате сити.
  5. Емоционалната глад е често проследена со чувство на вина, додека физичката не е никогаш.

Како да се спречи емоционалното прејадување?

Првата ранота која морате да ја направите за да го надминете емоционалниот глад е да препознаете дека се работи за таков тип на глад, а кога ќе го препознаете, обидете се со една од стратегиите за надминување на емоционалниот глад:

  • Прочитајте списание или читајте книга
  • Телефонирајте им на пријатели
  • Посветете се на себе
  • Изедете здрава храна
  • Прошетајте

Сите понекогаш сме ги решавале емоциите со храна. Нема ништо лошо во тоа, ако е повремено, но доколку тоа е толку често што може да го загрози вашето здравје, крајно време е да се запрашате зошто, да се соочите со емоциите и да се ослободите од емоционалниот глад.