Ренот е коренест зеленчук кој најчесто се користи како зачин, односно како додаток во јадењата. Овој лут корен содржи бројни растителни соединенија меѓу кои се глукозинолатите, кои се разградуваат во изотиоцијанати и кои можат да го заштитат организмот од карцином со тоа што го спречуваат растот на клетките на рак.
Ренот има и антибактериски својства. Имено, лабораториски истражувања покажале дека алил-изотиоцијанатот од ренот ги уништува бактериите ешерихија коли, хеликобактер пилори и салмонела.
Исто така, благодарение на карактеристичната лутина ренот помага кај проблеми со синусите, носот и грлото и ублажува настинка и проблеми со дишењето.
