Јадете пуканки без грижа на совеста

Освен што се мошне вкусни и пријатни за џвакање, пуканките ја задоволуваат и потребата за житарки

Пченката може да се вари, пече, да се приготви како прилог за некое јадење, а дехидрираните зрна од посебен вид пченка мошне брзо и едноставно се претвораат во вкусни и мошне популарни грицки – пуканки.

Битно е да знаете дека пуканките се и здрави и корисни за нашиот организам. Освен што се мошне вкусни и пријатни за џвакање, пуканките ја задоволуваат и потребата за житарки. На овој начин внесувате хранливи и мошне корисни влакна кои го стимулираат варењето и доволно количество житарки кои заради количеството на масни киселини што го имаат во себе се дополнителен благодат за нашиот организам.

Сите благодати на пченката

Пченката освен витамин Ц содржи и антоцијанис, ферулична киселина, зексатин, бета каротен, лутеин, ванилична киселина, кафеична киселина, сите супстанци кои го засилуваат антиоксидативното дејство на пченката и со тоа ја прават намирница која е на списокот препорачани во диететските режими на исхрана. Диететските влакна кои ги содржи се исклучително добри за работата на гастроинтестиналниот тракт. На овој начин превенирајќи ја опстипацијата, малигните заболувања на цревата и го поттикнуваат метаболизмот.