Според резултатите од нова студија, болните од дијабетес тип 2 кои јадат пет дена во неделата по една или повеќе порции јаткасти плодови, особено ореви и бадеми, имаат 20 отсто помал ризик за развој на срцеви заболувања. Исто така, консумацијата на јаткасти плодови го намалува и ризикот од предвремена смрт заради срцеви заболувања или било која друга причина.
Најголемото намалување на ризикот од кардиоваскуларните болести, вклучувајќи ги срцевите и мозочните удари, се забележува при консумацијата на ореви.
Треба да се нагласи дека јаткастите плодови помагаат во контролирањето на шеќерот во крвта, крвниот притисок и холестеролот. Редовното јадење на ореви, бадеми, лешници, или фстаци, исто така, помага да се ублажат воспаленијата и да се подобри здравјето на крвните садови.
Врз основа на овие резултати и постоечките докази, може да се каже дека оревите се корисни за здравјето на луѓето со или без дијабетес.
Треба да се има на ум дека пожелно е да се консумираат во умерени количини, бидејќи јадење прекумерни количини може да доведе до зголемување на телесната тежина.
Јаткастите плодови особено бадемите и оревите, се богати со магнезиум и диетални влакна, како и протеини и незаситени масни киселини, што е моќна комбинација која ќе ја продолжи заситеноста и на телото ќе му даде корисни хранливи материи. Микс од јаткасти плодови се сметаат за одличен меѓуоброк, но тие треба да се јадат во мали количини, бидејќи се екстремно калорични.
Освен јаткастите плодови препорачлива храна за болни од дијабетес тип 2 се и лебови од цели зрна, сардини, ѓумбир и цимет.
