Кафето не само што претставува еден од најпопуларните напитоци во светот, туку за многу луѓе е еден од главните извори на антиоксиданти во исхраната. Денес ве потсетуваме на некои од поволните ефекти на кафето врз здравјето, а на листата се ставени и најновите потврдени здравствени ефекти на овој ароматичен напиток.
Да почнеме од најочигледниот – благодарение на кофеинот кој го содржи кафето не буди, го намалува заморот и го зголемува нивото на енергија. Различни студии, исто така, покажале дека кафето го подобрува памтењето, брзината на реакциите, како и расположението. Кофеинот го забрзува и метаболизмот, па го поттикнува согорувањето на мастите како кај дебелите така и кај витките луѓе.
Една студија која опфатила резултати од истражувања во кои учествувале преку 400 000 испитаници покажала дека секој филџан кафе го намалува ризикот од појава на дијабетес тип 2 за 7 отсто.
Се покажало и дека овој напиток може да го намали ризикот од Алцхајмерова болест и деменција, како и од Паркинсонова болест, додека истовремено го чува и здравјето на црниот дроб, намалувајќи го ризикот од цироза за дури 80 % кај личностите кои пијат 4 филџани кафе дневно. Кога станува збор за превенцијата од карцином засега се покажало дека кафето би можело да го намали ризикот од карцином на црниот дроб и колоректалниот карцином.
Имено, научниците утврдиле дека личностите кои обично пијат по 2 филџани кафе дневно можат да имаат и до 40 % помал ризик од појава на карцином на црниот дроб. Четири филџани каде дневно би можеле да го намалат ризикот од колоректален карцином за 15%.
И на крајот, кога зборуваме за кардиоваскуларното здравје се покажало дека личностите кои редовно пијат кафе имаат за 20 % помал ризик од мозочен удар. Кога станува збор за дејството врз крвниот притисок кај личностите кои не пијат каде тоа доведува до моментално зголемување на систолниот (горниот) притисок за просечни 13 mm Hg и дијастолниот (долниот) за просечни 7 mm Hg, но овој ефект главно се губи кај редовното консумирање на овој напиток. Меѓутоа кај некои личности споменатиот ефект се задржува, па личностите со хипертензија би требало да бидат внимателни при пиење напитоци со кофеин, особено пред активности кои нормално доведуваат до зголемување на притисокот – вежбање, кревање тегови или напорна физичка работа.
