Да се препознае разликата помеѓу паничен напад и срцев удар може да биде многу тешко, особено ако лицето никогаш претходно не доживеало слични симптоми. Меѓутоа, неколку елементи создаваат значајна разлика помеѓу овие две состојби.
Карактеристика на болката: Иако болката во градниот кош е вообичаена и за напад на паника и за срцев удар, карактеристиките на болката често се разликуваат. Во текот на нападот на паника болката во градите обично е остра или прободувачка и е локализирана на средина на градниот кош. Болката во градите за време на срцевиот удар потсетува на притисок или чувство на стискање. Исто така, започнува во средишниот дел на градниот кош, но може при тоа да се шири од градите до рацете, вилицата или лопатката.
Почеток: Појавата на симптоми ќе му помогне на лицето да препознае дали се работи за напад на паника или за срцев удар. Иако и двете состојби може да се јават одеднаш и без предупредување, сепак постојат разлики. Понекогаш до срцев удар доаѓа и поради физички напор како што е качување по скали. Паничниот напад доаѓа со спонтано и нагло чувство на интензивен страв или ужас.
Траење: Траењето на симптомите помага во разликување на срцевиот удар и нападот на паника. Иако може да варираат, поголемиот број на панични напади траат 20 до 30 минути. Ако се работи за срцев удар, симптомите обично траат подолго и се лошуваат. На пример, болката во градите на самиот почеток знае да биде лесна, но по неколку минути станува силна.
Паничниот напад нема да предизвика срцев удар, туку предизвикува застој во еден или повеќе крвни садови во срцето, што доведува до прекин на протокот на крв. Иако, сам по себе нема да предизвика срцев удар, стресот и анксиозноста имаат улога во развој на болести на коронарните артерии, што на крајот доведува и до срцев удар.
Со оглед дека симптомите на напад на паника и на срцев удар се слични во случај на сомнеж секогаш е најдобро да се побара медицинска помош. Многу е важно да се побара итна медицинска помош ако се појави кој било од следниве симптоми:
- Изненадна силна болка во градите;
- Притисок во градите кој трае подолго од две до три минути;
- Болка во градите која се шири низ раката или во вилицата;
