За сите оние кои од здравствени или кои било други причини не пијат кравјо млеко постојат многу замени кои можат да се користат и, што е најважно, се здрави. Една од тие здрави замени е овесното млеко.
Ова млеко е мошне популарна замена за кравјото млеко затоа што изобилува со бетаглукани, растворливи влакна кои ја забавуваат апсорпцијата на јаглехидрати и ги спречуваат наглите промени на нивоата на глукоза во крвта, со што помагаат во контролата на апетитот. Бетаглуканите, исто така, помагаат во регулирањето на нивоата на холестерол во крвта и го зајакнуваат имунитетот. А покрај сето ова овесното млеко ќе го снабди вашето тело и со мноштво минерали и витамини како што се манган, фосфор, витамини Б, Е и А.
Уште може да спречи кардиоваскуларни болести, обезбедува сила, како и енергија од природни растителни протеини и шеќери и го подобрува здравјето на кожата и косата.
Како се прави овесното млеко?
Во блендер ставете 100 г овесни снегулки, литар вода и додадете прстофат сол. По желба можете да додадете и лажица мед или лажица како во прав. Мешајте околу една минута. Потоа млекото процедете го низ густа цедалка или газа, сипете го во шише (идеално е стаклено) и чувајте во фрижидер околу 2-3 дена.
