Како да натерате адолесцент да јаде повеќе зеленчук?

Истражувачите открија: за тинејџерите далеку попримамливо е кога зеленчукот се сервира со билни зачини

Средношколците преферираат зеленчук, кој е зачинет со мешавина на билни зачини, во однос на зеленчукот, зачинет само со масло и сол, е заклучокот на истражувањето објавено во списанието „Food Quality and Preference“.

Во истражувањето биле вклучени 100 ученици, кои дегустирале осум различни видови на зеленчук, зачинети со специјално направена мешавина за секој вид или, пак, само со масло и сол.

Резултатите покажале дека учениците   претпочитале седум од осум видови на зеленчук кои биле зачинети со мешавина на билни зачини. Единствен исклучок бил слаткиот компир

Зеленчукот кој бил користен во истражувањето бил во замрзната или конзервирана форма, за да се постигнат изедначени сензорни карактеристики на примероците, а биле вклучени пченка, грашок, брокула, грав, морков, карфиол, боранија и сладок компир.

Авторите на истражувањето сметаат дека слични промени во училишните кујни би резултирале не само со зголемен внес на зеленчук кај адолесцентите, туку исто така, и со намалување на вкупниот отпад на храна.

Правилната исхрана на училишните деца и адолесценти претставува основа за правилен раст и развој, регенерација, здравствена состојба, психофизичка кондиција, одбранбена способност на организмот и за извршување на сите витални функции.