Дали имате еден проблематичен дел од телото со кој никогаш не сте задоволни, и колку и да се трудите да го доведете во ред не ви успева? Стручњаците велат дека за тоа постои научно објаснување. Прекумерното дебелеење на еден дел од телото најчесто е резултат на хормонална нерамнотежа, покажуваат истражувањата.
“Животниот стил, исхраната и генетиката имаат голема улога, но добра вест е дека постојат работи кои можете да ги превземете за да ги вратите во рамнотежа хормоните и да се ослободите од вишокот маснотии. Само најнапред треба да се одреди причината“, советува професорот по физиологија Сафрон Вајтхед.
Погледнете кои хормони се виновни за вишокот килограми на одделни делови на телото:
Сало на стомакот: виновник е кортизолот
Телото реагира на стрес со зголемено лачење на хормонот кортизол, кој ја ослободува енергијата, па доаѓа во форма на маст и глукоза, кои се складираат во средишниот дел на телото, блиску до црниот дроб. Избегнувајте стрес. Јадете помали оброци повеќе пати на ден, за нивото на шеќер да го држите стабилно. Се препорачуваат намирници со ниска гликемиска вредност, како јаболка, леб од житарки и индиски ореви. Не вежбајте повеќе од 45 минути, затоа што и тоа го поттикнува производството на кортизол.
Голем задник и широки бутови: Виновник е естрогенот
Премногу естроген може да предизвика таложење на масти во задникот и бутовите. Пиење на премногу алкохол прави црниот дроб да не може да го исчисти естрогенот од крвта. Сојата може да го намали производството на естроген. Хранливите состојки во брокулата ги регулира ензимите во црниот дроб. Ограничете ги месото и кафето, бидејќи тие го оптоваруваат црниот дроб.
Отечени зглобови: Виновник е прогестеронот
Отечени скочни зглобови често се резултат за задржување на течностите, што може да биде предизвикано од недостаток на прогестерон. Храна богата со витамин Е може да поттикне производство на прогестерон, на пример семки, сончоглед и путер од кикирики. Намалете го внесот на натриум, бидејќи тоа е клучот во регулирањето на крвниот притисок и нивото на течности во нозете и зглобовите. избегнувајте преработена храна.
Отечено лице: виновник е тироксинот
Отечени лице и врат може да бидат резултат од премалку тироксин, хормон кој го произведува штитната жлезда. Неактивна штитна жлезда го успорува метаболизмот, што може да биде причина за надуеност. Се пречорачуваат додатоци кои содржат селен, кој му помага на телото поефикасно да го користи тироксинот. Ако поминувате многу време седејќи, потрудење да сите исправено, и правете почести паузи. Ако забележите дека сте изморени и дека се гоите, обратете се кај лекар.
Масни наслаги на надлактицата: виновник е тестостеронот
Човековото тело произведува хормон кој се нарекува ДХЕА (дехидроепиандростерон), кој се претвора во тестостерон. ДХЕА помага при градењето на мускулната маса. Кога нивото на тестостерон премногу ќе падне, мускулната маса се претвора во маснотии. Тоа најочигледно е на горниот дел од рацеете, каде што има големи мускули. Нивото на тестостерон кај жените опаѓа со годините. Но, одредена храна помага, консумирајте повеќе протеини, како што се риба, јајца, тофу, јаткасти плодови. Цинкот, магнезиумот и витаминот Б6 исто така го поттикнуваат производството на тестостеронот.
Наслаги на грбот: виновник е хормонот за раст
Наслагите на грбот, најчесто кај жените, може да бидат заради ниското ниво на хормонот за раст (ХГХ). Преку ноќта, женската хипофиза го отпушта хормонот за раст, кој ги стимулира масните клетка да ослободуваат енергија за опоравување на телесното ткиво. Студиите покажале дека возрасните лица на кои им недостасува ХГХ често имаат висок процент на телесни масти, особено на грбот. Храна богата со мелатонин, како малините, може да ја зголемат секрецијата на ХГХ, како и храна со аминокиселински глутамин, што го има во јогуртот.
