Во дваесеттите пробајте сè што можете
Жените на оваа возраст почесто јадат надвор, отколку дома. Но постои решение! Речиси во секој ресторан постои барем едно поздраво јадење, па затоа изборот нека биде токму тоа. Добар избор може да е и половина порција од она помалку здравото. Јадете пред екран?! Тоа едноставно не е добро зашто немате контрола колку калории внесувате. Уште еден проблем специфичен за дваесеттите години од животот е прескокнувањето на оброците, а тоа едноставно води кон прејадување во вечерните часови. Запаметете – телото е паметно и ако не сте внесле доволно калории ќе ви се јаде навечер, кога всушност е најмалку пожелно да се јаде.
Во дваесеттите треба да се пробаат повеќе тренинзи за да се избере оној што најмногу ви одговара. Се препорачуваат 4 кардио тренинзи неделно во траење од 30 до 40 минути. Секогаш на крајот од ваков тренинг е потребно да се направат вежби за зајакнување на мускулите на телото, кои се состојат од неколку вежби кои може да се одработат за 15-20 минути.
Во триесеттите најдобри се интервалните тренинзи
Жените кои штотуку станале мајки за успех го сметаат ако успеат да се наспијат или да ја измијат косата, а особено да вежбаат. Предлог – вежбајте додека бебето спие. Исто така, се препорачува да одите во долги прошетки, нормално, со бебето во количка. Во фрижидерот треба да имате и намирници како здрави, готови јадења, зобни снегулки и овошје, млечни производи со мала масленост. Место кајгана со леб подобро е да изедете интегрална тестенина со сос од домати или туна со соалата.
Во триесеттите години се препорачуваат интервални тренинзи кои се менуваат во потешки и полесни вежби, како кружен тренинг затоа што така побрзо се редуцира поткожното масно ткиво и го одржува мускулниот тонус. Особено внимание треба да се посвети на стомакот, бицепсите, грбот и задникот.
Во четириесеттите се губи мускулна маса и затоа вежбањето не треба да се одбегнува
Со стареењето се забавува метаболизмот, се намалува уделот на мускулна маса, а сето тоа резултира со наталожување килограми. Но со внесот на доволно количество протеини и редовно вежбање може да се забави тој процес. Исто така, треба да се одбегнува смрзната храна и брза храна. Вечерата треба да е планска, подобар избор е сендвич со туна или пилешко, отколку смрзната пица или достава од кинески ресторан, на пример.
Кај жените во четириесеттите метаболизмот е забавен за околу 10 проценти во однос на помладите, а мускулите побрзо ја губат масата, мастите почнуваат да собираат околу половината. Сето тоа е директна или индиректна последица на падот на нивото на естроген. Ова се клучни години кога е во прашање физичката активност. Три до пет дена во неделата треба да се посветат на аеробни активности во траење од 45 до 60 минути. Добар избор е брзото одење или лесното трчање, а два до три пати добар е и тренинг на снагата.
