Додека оваа болест ќе влијае на секого поинаку, вообичаен симптом на инфекција со новиот коронавирус е губењето на осетот за мирис и вкус. Всушност, овие симптоми станаа многу важен сигнал при препознавањето дали лицето е заразено. Голем број луѓе така ќе откријат дека нешто не е во ред при првото утринско кафе.
Многу луѓе во светот утрото го почнуваат со шолја кафе и сигурно ќе забележат ако не ја почувствуваат познатата арома, а токму тоа може да биде прв сигнал дека сме заразени.
“Долго знаевме дека поединци може да го изгубат мирисот и вкусот по некоја вирусна инфекција, но процентот на лица кои го имаат овој проблем кога е во прашање КОВИД-19 е едноставно неверојатен“, наведува Џејмс Сквоб, професор по молекуларна биологија на Универзитетот Туфтс.
Понекогаш, вели тој, губењето на осетот за мирис кај овие пациенти е единствениот симптом, а сите останати може да бидат директно поврзани со него, па губењето на мирисот и вкусот може да биде наједноставниот тест кој на луѓето ќе им ја открие состојбата и така ќе знаат дека не смеат да се движат надвор од домот и да ја шират инфекцијата.
Притоа, професорот советува да не се прескокнува утринската навика за пиење кафе, бидејќи токму таа може да ви открие дали треба да одите на тестирање или не.
“Едноставна работа која може да ја направите е да земете во раката кафе, по можност во зрна, и да видите колку далеку можете да го оддалечите, а и понатаму да го чувствувате мирисот. Ако носот ви е затнат и не го чувствувате мирисот добро, можеби е време да се обратите кај лекар“, додава проф. Сквоб.
За жал, лица кои се опоравиле од новиот коронавирус, можат подолго време да имаат проблеми со мирисот и вкусот, додека мал дел ќе забележат дека сетилото за мирис и за вкус засекогаш им е променето.
Еден пациенти, кој закрепнал од КОВИД-19 тврди дека и по седум месеци не чувствува еднакви мириси кај пред болеста, па вели дека сега ананасот му мириса на картон, а вкусот на неговиот омилен напиток е како козметички производ. Секако, тоа нема да се случи секому, некои луѓе сосем добро се опоравуваат по неколку дена од закрепнувањето од болеста.
