Секоја зима се потсетуваме колку болката во грлото е иритантна – болно ждрело, потешкотии при голтањето и зборувањето, кашлање, а потоа, многу често и воспаление на синуси. Главна причина за болка во грлото се вирусите, а дополнителен поттик за болно грло даваат и нагласеното напрегање на гласните жици и сувиот воздух, на кој сме изложени преку зимата од греењето.
Излечете го правилно воспалението на грлото
Болката во грлото се јавува како знак на воспалителна реакција на слузницата и лимфното ткиво, кои како заштитен прстен го опкружуваат задниот ѕид на ждрелото и наборите на мекото непце (крајници или тонзили, аденоиди). Проследена е со црвенило и отоци на слузницата, како и болно и отежнато голтање.
Вируснати болки во грлото траат 2-3 дена, може да бидат проследени со зголемена телесна температура и често се развиваат во т.н. настинка со течење од носот и надразнето кашлање. Типично е да по првите неколку дена симптомите се смират, а кашлицата може да потрае и десетина дена За терапија треба потпрете на топли напитоци, инхалации со водена пареа, за смирување на кашлицата да консумирате мед или билни бомбони, а се со цел да и се помогне на слузницата што побрзо да се опорави и обнови.
Треба да избегнувате земање на антипиретици ако телесната температура е под 38 степени. Исто така, не треба да се зематат различни деконгестивни средства и противвоспалителни препарати кои го анестезираат или го „дезинфицираат„ ждрелото. Имено, таквите препарати до некоја мерка ја намалуваат непријатноста, но и ја блокираат заштитната воспалителна реакција, па со тоа се пореметуваат физиолошките механизми за одбрана и се забавува опоравувањето.
Што ако е во прашање стрептокока?
Треба да имате на ум дека болката во грлото може да биде и симптом за бактериско воспаление на ждрелото, предизвикана од стрептокока. Стрептококните воспаленија на ждрелото се проследени со малаксалост и зголемена температура која трае 2-3 дена и не поминува. Ваквата болка во грлото не прогресира во настинка. Ждрелото е многу црвено, а на крајниците често се појавуваат гнојни наслаги. Во тој случај, преку земање на брис од ждрелото треба да се изврши проверка дали навистина се работи за стрептококно воспаление и по потврдниот наод, да се започне со антибиотска терапија. Наодот од брисот на грлото во најголем број случаи е готов за еден ден, така што тоа е најсигурниот начин за утврдување на причините за воспалението.
