Неодамна споделивме неколку совети кои можат да ви помогнат доколку ве боли грлото, а денес зборуваме за различните раствори за испирање на грлото кои можат да ви помогнат.
Солен раствор – во чаша вода изматете лажичка сол и со овој раствор правете гаргара на секој час. Доколку сакате поконцентриран раствор можете да го намалите количеството на вода на 1 дл.
Смирувачки раствор – кафена лажичка сушени цветови од камилица прелијте ги со 2 дл врела вода. Оставете да се излади и процедете. Правете гаргара повеќе пати во текот на денот. Место камилица можете да користите и листови од жалфија.
Антибактериски раствор – во половина децилитар вода изматете супена лажица јаболков оцет и кафена лажичка мед. Правете гаргара по неколку пати на ден. Исто така, ефикасен е и растворот кој ќе го направите со половина децилитар млака вода, четврт лажичка сол, сок од лимон и кафена лажичка мед.
Антивоспалителен раствор – во чаша топла вода растворете половина лажичка куркума во прав и половина лажичка сол. Уште еден делотворен раствор со зачини можете да направите така што лажичка каранфилче (грубо мелено) ќе прелиете со 2 дл врела вода и ќе го оставите на тивок оган уште 10 до 20 минути. Потоа процедете го чајот и користете го за гаргара повеќе пати на ден.
