Калинка – симбол на плодност и добро здравје

Потврдено е дека две чаши сок од калинка на ден го зголемуваат либидото, како кај мажите, така и кај жените, бидејќи ова овошје влијае на зголемувањето на нивото на тестостеронот во организмот и кај двата пола.

Калинката е навистина единствено и мистериозно овошје кое од дамнина претставува симбол на плодноста, добро здравје и вечен живот. Потекнува од Персија и во минатото била позната како овошје за боговите. Се верува дека ја одржува младоста и го продолжуваат животот.

Калинката важи за едно од најатрактивните овошја во целиот свет. Научните истражувања потврдиле дека калинката помага за плодност кај жените.

Лековити својства на калинката

  • Калинката е многу силен антиоксидант кој спречува настанување на одредени видови рак;
  • Сокот од калинка го намалува ризикот од срцев и мозочен удар;
  • Спречува згрутчување на крвта во артериите;
  • Го намалува крвниот притисок;
  • Го намалува нивото на холестерол во крвта;
  • Поволно делува на централниот нервен систем;
  • Содржи билни материи кои го поттикнуваат производството на серотонин во организмот, па е корисен и за ублажување на депресијата;
  • Семките од калинката се богат извор на витамини (особено витамини Ц и А), што значи дека ова овошје е корисно и за имуниот систем;
  • Корисна е за коските, па се препорачува како превенција од остеопороза и остеоартритис;
  • Ги уништува ешерихија коли и бактеријата стафилокока;
  • Содржи многу железо, така што може да помогне во отстранувањето на симптомите кај анемични лица, како што се слабост и вртоглавица.

Што се однесува до машката популација, докажан е податокот дека калинката ја зголемува плодноста кај мажите, бидејќи позитивно влијае на квалитетот и концентрацијата на сперматозоидите. Притоа потврдено е дека две чаши сок од калинка на ден го зголемуваат либидото, како кај мажите, така и кај жените, бидејќи ова овошје влијае на зголемувањето на нивото на тестостеронот во организмот и кај двата пола.