Кардамон – поттик за здравjето

Кардамонот е мешунка која се користи во гастрономијата, поради својот силен, уникатен и слаткаст вкус. Тој е еден од најскапите зачини во светот, но за да се почувствува неговиот вкус потребни се многу мали количини.

Освен неговата примена како зачин, кардамонот се користи и како лек во традиционалната медицина. Во некои земји луѓето ги џвакаат семките наместо гума за џвакање, но и како лек против инфекции на непцата и за забите. Овој зачин е добра превентива, но и лек за грлот, против воспаленија на белите дробови и против проблеми во дигестивниот тракт. Во Кина го употребуват при проблеми со запек и со дезинтерија.

Кардамонот помага на црниот дроб да го ослободи телото од отрови, а со тоа не само што го прочистува телото, туку го намалува и оптоварувањето на црниот дроб. Интересен податок е дека супстанците содржани во кардамонот го неутрализираат негативното влијание на алкохолот врз црниот дроб и нервниот систем. Има и аналгетски ефект, па се користи против главоболка, болки за време на менструалниот циклус, грчеви, забоболка.

Состав

Витамини Б (Б1, Б2, Б3). Овие витамини добро е познато дека благотворно делуваат на кожата и на косата, но истовремено се важни за здраво функционирање на нервниот систем. Една шолја чај со кардамон овозможува ублажување на симптомите на стрес и на замор.

Витамин А и никотинска киселина

Цинк. Тој е од суштинско значење за здравјето на машките репродуктивни органи. Без цинк е невозможна синтеза (инсулин, тестостерон и хормон за раст), витамин Е и метаболизам. Кардамонот содржи најмногу цинк во однос на кој било друг зачин.

Фосфор, магнезиум, калциум, железо.