Кинеската зелка (лат. chinensis или Brassica pekinensis) е зелен лиснат зеленчук, неверојатно богато со многу важни нутриенти, како и витамини, минерали, каротеноиди… Традицијата на овој зеленчук е стара најмалку 6 000 години. Кинезите се први кои почнале да го употребуваат овој зеленчук за подготовка на јадења со нежен вкус. Ги познавале и нејзините медицински својства. Во 14 век кинеската зелка се проширила на сите делови на Кина, а на почетокот на 20 век и во Кореа и во Јапонија. Сега кинеската зелка е позната секаде во светот и е достапна по пазарите и супермаркетите. Таа припаѓа на фамилијата cruciferae , а други членови на оваа фамилија се брокулата, обичната зелка, карфиолот и прокељот.
Сочните зелени листови на кинеската зелка имаат одличен вкус и се идеални за подготовка на салати и на супи.
Освен по одличниот вкус, кинеската зелка е позната и по своето поволно влијание на здравјето. Таа е богат извор на многу важни витамини, како А, Ц и К. Витаминот А е неопходен за правилно функционирање на имуниот систем, видот, растот на коските и на забите, додека витаминот К игра важна улога во процесот на коагулација на крвта. Освен тоа, витаминот К ја подобрува апсорпцијата на калциумот и ја одржува густината на коските. Витаминот Ц е познат антиоксидант кој штити од штетното влијание на слободните радикали.
Кинеската зелка е богата и со витамин Д, а содржи и значајни количини на фолна киселина и на витамин Б6. Освен со витамини, овој зеленчук изобилува и со каротеноиди како бета-каротенот. Каротеноидите се познати по своите антиоксидантни својства. Спроведените истражувања потврдуваат дека консумирањето на намирници богати со бета-каротен го намалува ризикот од појава на многу видови на крцином. Освен тоа, каротеноидите поволно влијаат и на очните болести како глауком и дегенерација на окото. Овој вид зелка содржи и големи количини важни минерали како калциум и калиум. Не содржи масти и има мала содржина на натриум.
