Киноа – житарка по која полуде светот

Дали поради фактот дека се вари за само 20 минути, дали поради нејзиниот исклучително здрав ефект по здравјето или примамливиот вкус на јаткасти плодови, оваа намирница последниве години е апсолутен хит во Европа, па и кај нас.

Неутралниот вкус и дава можност да се комбинира со разни јадења. И како прилог и како главно јадење. Киноата е единствена намирница од растително потекло која содржи најголем процент на протеини. Таа е апсолутно незаменлива, посебно ако се знае дека во природата протеинот во голем процент го има во месото и во млечните производи. Затоа, е идеална за лицата кои се вегетаријанци, за оние кои не внесуваат доволно месо или млечни производи, како и за децата. Илјадници години се третира како супер храна, со оглед дека киноата со својата нутритивната вредност може да ги засрами сите житарки, особено кога се во прашање минералите, протеините и мастите.

Иако, се вбројува во групата на житарки, киноата не е тоа. Киноата е т.н. псевдо житарка која се консумира, подготвува и има еднакви нутритивни вредности како житарките, но всушност спаѓа во семејството на треви.Таа спаѓа во видот на билки како спанаќот, блитвата и цвеклото.

Преполна со здрави минерали и витамини, вклучувајќи мононезаситени масти кои се добри за здравјето на срцето, флавониди (антиоксидантни нутириенти), есенцијални минерали меѓу кои манган, магнезиум, железо, фосфор, калиум, калциум, цинк, бакар и селен. Содржи витамини Б1, Б2, Б3, Б6, Б9 и Е. Впивливи и невпивливи влакна.

Необично високиот однос меѓу протиени и јаглехидрати кај оваа билка ја објаснува нејзината способност за регулирање на шеќерот во крвта. Впивливите влакна во киноата помагаат за контролирање на нивото на шеќерот, додека, пак, антивоспалителните состојки во неа го намалуваат ризикот од појава на дијабетес тип 2. Киноата иделно ги заменува проетините од животинско потекло. Високата концентрација на влакна помага при намалување на зголемениот холестреол, како и лошиот ЛДЛ холестерол. Има најмногу калиум од сите житарки, а општо познато е дека токму калиумот одржува здрав баланс во организмот што влијае на намалување на зголемениот крвен притисок. Поради влакната и протеините кои ги содржи, киноата подолго го одржува чувството на ситост и помага во намалување на апетитот. Влакната, пак, помагаат варењето на храната да биде на највисоко ниво.