Едноставен тест на плунка кој открива речиси половина од жените кои во идните десет години ќе заболат од рак на дојка може да спаси илјадници жени помлади од 50 години. Клиничкото испитување на тестот од плунка вклучило 2500 жени со ризик за развој на рак на дојка, а 644 биле и заболени од оваа болест во текот на десет години, колку што и во просек биле следени. Тестот се користел во комбинација со стандрадните медицински податоци и анамнеза, како и мерење на густината на ткивото на дојките. Тој предвидел висок ризик за рак на дојка кај околу 50 проценти од жените кои и навистина заболеле.
ЦЕНА НА ТЕСТОТ
“Ако сите овие жени би земале лек за превенција на рак на дојка, тоа би можело да спречи една четвртина од случаите на рак на дојка и потенцијално да спаси околу 2.000 жени годишно. Кога на помладите жени со висок ризик би им бил понуден годишен преглед со мамограм, тоа би можело да спаси уште неколку стотици животи годишно“, изјави водачот на студијата на Универзитетот во Манчестер, проф. Герет Еванс. Цената на таквиот тест се очекува да биде околу 250 фунти на товат на националниот здравствен систем, додека лекувањето на ракот на дојката би можело да чини десетици илјади фунти.
