Веројатно, досега сте слушнале за него, но ако не – станува збор за правило според кое 80 проценти од времето јадете здрава храна, додека во оние 20 проценти си дозволувате да јадете и нездрави намирници, и на тој начин останувате на вистинскиот пат.
Експертите за исхрана ова правило не го сметаат за диета, туку за промена на животниот стил која ни осигурува слабеење и витка линија. Ова правило не е ригорозно како диета, туку ги учи луѓето на рамнотежа и умереност, а баш поради тоа што не забранува се и сешто луѓето почесто се држат до него.
Кога го применувате 80/20 правилото, тоа ви овозможува и понатаму да бидете друштвени, да излезете на вечера со пријателите или да се напиете алкохол, како и да изедете парче торта без никаква грижа на совест, затоа што тоа ви е дозволено
„Не можете да јадете 100 проценти од времето здраво, но можете 80 проценти“, открива славната тренерка Јуми Ли за „PopSugar“, која меѓу клиентите ја има и актерката Џесика Алба. Таа советува повеќе мали и здрави оброци во текот на денот за уште поуспешно придржување кон овој план.
Истото правило го применува и моделот Миранда Кер, која открва дека смета оти умереноста е од клучно значење кога станува збор за храната.
