Дали ви се случило да не сте сигурни дали сте се заситиле и дека е време да станете од масата и да завршите со оброкот или би можеле да каснете уште нешто? За после еден час повторно да не ѕиркате во фрижидерот, останувате уште малку крај масата. Кога конечно ќе станете сфаќате дека сте се прејале…
Знаете ли зошто ви се случува ова? Затоа што џвакате брзо. Кога брзо ја џвакаме храната нашиот мозок не стигнува да добие информација дека сме сити и затоа продолжуваме да јадете додека буквално не ни се слоши.
За да го избегнете ова непријатно чувство на надуеност и можните проблеми со дебелината, направете го следното: 15 минути после првиот внесен залак, направете пауза. Станете од мсата, направете круг по домот, па вратете се. Дозволете му на мозокот да прими информација за внесената храна, кој ќе испрати соодветен сигнал до вашето тело.
Добро би било да одбегнувате да јадете пред телевизор. Кога за време на оброкот вниманието ни е насочено кон нешто друго, а не на храната, најчесто доаѓа до прејадување. Автоматски внесуваме храна притоа не посветувајќи внимание на нејзиниот квалитет ниту на количеството.
