Кога се ставаат ладни, а кога топли облоги? Во овие состојби таа разлика е клучна!

Сите знаеме дека на повреда, оток, убод од инсект треба да се стави облога, но често се случува да не сме сигурни дали треба да се стави ладна или топла облога. Еве што велат лекарите.

За прва помош при повреди, истегнувања, превиткувања и воспаление на тетивите и на мускулите најдобро е да се стави ладна облога или некој спреј за разладување. Ефектот е ист бидејќи ладното ги собира крвните садови и така ја смирува болката и воспалението, а го намалува и отокот.

Ледот, велат лекарите, никогаш немојте да го ставете директно на кожата, туку претходно ставете го во ќеса или во пластична чаша, замотајте го во такенина и потоа ставете го на повреденото место. Држете ја облогата околу 10 минути, па 10 минути направете пауза и така наизменично, советуваат лекарите.

Доколку чувствувате болка, топлата облога оставете ја за подоцна. Топлината доведува крв во тој дел, што ги ублажува грчевите и вкочанетоста и спречува воспаление. Сепак, топлите облоги немојте да ги нанесувате веднаш по повредувањето, бидејќи топлината тогаш ќе го зголеми отокот и ќе го продолжи закрепнувањето. Топлата облога, нагласуваат лекарите, има смисла само доколку не сте повредени. Топлите облоги се најдобри за уморни мускули и за спазам, бидејќи со нив ќе го подобрите дотокот на крв, затегнатите мускули ќе се опуштат и ќе се отстрани вкочанетоста.

Што е подобро за болка?

  • АРТРИТИС – Влажните топли облоги ја олеснуваат хроничната вкочанетост на зглобовите така што ги опуштаат затегнатите мускули.
  • ГИХТ – Ледот со смирува воспалението и ја намалува болката.
  • ГЛАВОБОЛКА – Мразот ја смирува пулсирачката болка во главата. Влажни топли облоги пак го опуштаат спазамот на мускулите во вратот.
  • ИСТЕГНАТ МУСКУЛ ИЛИ ПОВРЕДЕНА ТЕТИВА –  Ледот го олеснува воспалението, црвенилото и отокот и ја намалува болката. Топлината ја олеснува вкочанетоста која се јавува по воспалението.
  • ВОСПАЛЕНИЕ НА ТЕТИВА ПО ФИЗИЧКА АКТИВНОСТ (РАМО, ЛАКТ, КОЛЕНО, ПЕТА) – Мразот го смирува воспалението и ја олеснува болката.