Острите темни влакна околу брадавиците на градите се честа појава кај жените. Некои жени ги отстрануваат со пинцета, но во тој случај постои ризик за инфекција, бидејќи кожата околу брадавиците е многу чувствителена.
Д-р Маргарет Стем вели дека најдобар начин за отстранување на влакната од тие места е да се исечат со ножички. Со оглед на тоа дека влакната повторно ќе пораснат, постапката мора редовно да се повторува.
Таа нагласува дека појавата на влакна околу брадавиците не е нешто што треба да загрижува. Меѓутоа, доколку жената забележи поголема влакнетост на другите делови од телото, а месечните менструални циклуси се нередовни, тогаш проблемот може да биде многу посериозен.
Според стручњаците тоа може да укажува на синдром на полицистични јајчници што бара итна посета на гинеколог.
