Општо е познато дека редовното вежбање придонесува за целокупното здравје. Лицата кои се физички активни, најчесто живеат подолго од оние кои деновите ги поминуваат седејќи. А се покажало дека некои спортови поповолно делуваат на здравјето од останатите.
Неодамнешно истражување објавено од клиниката Мајо уште еднаш потврдило дека вежбањето го продолжува животот, но одговорило и на прашањето кој спорт додава најмногу години на животот. Еве ги резултатите:
- Трчање – 3,2 години;
- Велосипедизам – 3,7 години;
- Фудбал – 5 години;
- Бадминтон – 6,2 години;
- Тенис – 9,7 години.
Зошто спортовите со рекет најмногу го продолжуваат животот? Според ова истражување, спортовите кои подразбираат најмногу социјалната интеракција се најдобри за долг живот. Додека оваа теза не се истражи во потполност, треба да спомене дека бројни истражувања укажуваат на корисностите од социјалната поврзаност и силните социјални врски кои придонесуваат да бидеме помалку под стрес, посреќни и поздрави.
Според претходно направена студија, социјалната поддршка се доведува во врска со нискиот крвен притисок, а разновидноста на социјалните контакти го подобрува функционирањето на имуниот систем. Овој список и понатаму расте, па од неодамна се додадени и побрзото зараснување на рани и ублажувањето на воспаленија.
Впрочем, изгледа дека силната социјална мрежа, но вистинската, а не онаа виртуелната, како на тениски терен, така и надвор од него, може да го продолжи животот и до 50 %. Социјалната интеракција може да ја зајакнете и со спортовите како трчање и возење велосипед. Едноставно, направете група со која ќе ги практикувате овие спортови, наместо да го правите тоа сами.
