Кој вели дека бојата не е важна?! Црвената храна е чувар на здравјето!

Не се трудат готвачите залудно да ги украсуваат разно-разните јадења со бои и нијанси

Можеби ќе се изненадите, но се покажало дека храната не се вреднува само по витамините кои ги содржи, туку и по својата боја.

Црвената боја лекува анемија

Храната која е со црвена боја е добра за луѓето кои патат од анемија, како и за оние на кои секогаш им е ладно. Ако сте уморни, црвената храна ќе ви помогне да се вратите во нормала. Црвеното овошје и зеленчук го зајакнуваат имунитетот, го подобруваат варењето и го чистат организмот од токсини.

Црвената боја го штити и срцето

Ова се случува заради ликопенот, природен антиоксидант кој го има во чили пиперките и доматите, а го намалува ризикот од развој на кардиоваскуларни болести и рак на простата. Корисните својства на оваа храна не само што остануваат зачувани за време на термичката обработка, туку и можат и да се зголемуваат.

Додадете повеќе цреши, брусница, црвени сливи, црвен кромид, ротквица, малини, јагоди во исхраната и ќе ги видите позитивните ефекти врз телото и здравјето.

 

Црвената храна содржи и железо потребно за формирање на црвените крвни зрнца и обезбедува енергија за клетките. Црвената храна, исто така, помага во наоѓањето позитивни ставови кон животот, загревањето и смирувањето на личноста. Исто така, богата е со витамин Ц кој го подобрува имунитетот и помага во борбата против вирусни инфекции, а има благотворно дејство и врз кожата.