Во последниве години и децении постојано се зборува за штетноста на шеќерот која се нарекува дури и „бела смрт“. Тој обезбедува калории без вредни хранливи материи и може да го наруши метаболизмот на долг рок. Шеќерот во големи количини е поврзан со зголемување на телесната тежина и појава на разни болести како што се дебелина, дијабетес тип 2 и срцеви заболувања.
Некои луѓе се обидуваат да го ограничат внесот на шеќери. Но, тоа се покажува дека е исклучително тешко. Сепак, секој може да ја ограничи количината на шеќер.
Колкава е безбедната доза на ден?
За жал, не постои едноставен одговор на ова прашање. Некои луѓе можат да јадат шеќер без штетни последици, додека други треба да го избегнуваат колку што е можно повеќе.
Според Американската асоцијација за срце, максималната количина додадени шеќери што може да се консумира дневно е:
- Мажи: 150 калории дневно (37,5 грама или девет мали лажички),
- Жени: 100 калории дневно (25 грама или шест мали лажички).
Но, важно е да се напомене дека на човекот не му требаат додадени шеќери во исхраната. Безалкохолните пијалаци и преработената храна немаат место во исхраната со луѓе со прекумерна тежина.
Ако сте зависни од шеќер, можеби ќе треба да го избегнувате целосно …
Шеќерот ги стимулира истите области во мозокот како наркотиците. Поради оваа причина, шеќерот може да предизвика луѓето да ја изгубат контролата над неговата консумација.
Целосната апстиненција е единствениот сигурен начин за спас од зависноста од шеќери.
