Големината на градите ја определуваат фактори како што се генетиката, тежината, годините и бременоста, а промените во големината и формата на градите се случуваат во текот на целиот живот, но во одредена возраст, градите престануваат да растат. Знаете ли до која година на жените им растат градите?
Големината на градите постојано се менува, а може да варира дури и до еден број големина на корпи на градникот. На промената на големината на градите влијае различното време во месечниот циклус.
Градите се развиваат целосно 3 до 4 години по првата менструација, а процесот на раст на градите завршува во прилично рана животна доба
Гинеколозите објаснуваат дека женските гради растат до доцните тинејџерски или рани дваесетти години, но промените во нивната големина и облик се случуваат во текот на целиот живот и се поврзани со промени во ткивото на градите. Врз овие промени влијаат промените во хормоните, бременоста, лактацијата, зголемувањето на телесната тежина или слабеењето, менопаузата…
За време на бременоста, градите може да пораснат и по неколку броеви, а ткивото да се рашири многу, па подоцна можеби нема да може потполно да се врати во претходната состојба.
И доењето може да си „наплати“ и да го промени изгледот на дојките. Се зависи од ткивото и густината на градите и промените во тежината. Некои жени имаат поголеми гради како последица на бременоста, додека на други им се намалуваат после доењето.
Стручњаците објаснуваат дека генетиката, сепак, игра најголема улога во големината и обликот на женските гради. Гените влијаат на нивото на хормони, кои потоа влијаат на ткивото во градите, одредувајќи ја густината, но и изгледот на кожата.
