Колку сте повисоки, толку е поголем ризикот од проширени вени

Варикозните вени се јавуваат кај околу 25 проценти од жените и 15 проценти од мажите

Висината може да влијае врз зголемување на ризикот од развој на проширени вени, покажала новата студија на Stanford University’s School of Medicine. Највисоките учесници во студијата имале во просек 74 проценти поголема веројатност да развијат проширени вени во однос на најниските учесници во истражувањето.

  • Резултатите од оваа студија се релативно цврст доказ дека висината преку генетиката е каузално поврзана со зголемен ризик од проширени вени, велат експертите.

Инаку, варикозните вени претставуваат проширени површински вени најчесто на нозете, веројатно, поради ослабените ѕидови на површинските вени. Од порано е познато дека постојат генетски фактори кои се вклучени во развојот на проширените вени.

Освен што не изгледаат убаво, проширените вени обично болат и предизвикуваат замор во нозете. Меѓутоа, многу луѓе со доста проширени вени немаат болки. Долните делови на нозете и глуждовите може да сврбат, посебно кога е ногата топла по соблекување на чорапи. Чешањето може да доведе до гребнатини и да предизвика црвенило или осип што често погрешно се препишува на сувата кожа.

Варикозните вени се јавуваат кај околу 25 проценти од жените и 15 проценти од мажите.

Факторите на ризик за проширени вени вклучуваат возраст, пол, дебелина, бременост и историја на длабока венска тромбоза, пишува „Circulation“.