Освен што е неопходен речиси во секое јадење, кромидот може да ви помогне и кај разни здравствени проблеми, односно може да ви помогне да се „спасите“ во овие две летни ситуации.
Помага против изгореници
Сигурно барем еднаш во животот сте се изгореле и знаете колку чувството е непријатно и колку боли. Следниот пат кога ќе ви се случи тоа ставете парче кромид на изгореницата. Антисептичкото и седативното дејство ќе ја спречи појавата на инфекции, а подоцна и на лузни. Не случајно постојат еден куп креми за лузни на база на кромид.
Убоди од комарци
Интензивниот мирис на кромидот ги брка комарците. Ако не сте преземале мерки и веќе ве искасале овие инсекти, на местото на убодот поминете со кромид и ќе го спречите чешањето.
Веројатно, ова се доволно добри причини дома секогаш да имате кромид, а и без него да не одите на одмор.
