Куркумата или индискиот шафран е билка со интензивна портокалова боја, која ја добива од својата активна состојка, куркуминот. И покрај тоа што има силна боја што остава видлива трага, куркумата традиционално се користи и за чистење и за избелување на забите. Одлична е за оралната хигиена заради тоа што делува антибактериски и противоспалително, го намалува ризикот од настанување на кариес и ги ублажува симптомите на воспалението на непцата.
За да ја искористите како природен избелувач на забите ви требаат следните состојки:
4 лажици куркума во прав
2 мали лажички сода бикарбона
2 мали лажички кокосово масло
Состојките се мешаат додека не се добие густа паста. Се користи како и обична паста за заби, нежно е трие со четкичката за заби неколку минути, а по исплакнувањето на забите темелно се мие целата усна шуплина. Пастата може да се чува неколку дена во стаклена тегличка.
