Лекот за креативната блокада може да лежи во храната

Изгледот понекогаш може да не измами, но не и кога станува збор за оревите! Нивниот изглед навистина наликува на мозок, а тие се полни со корисни состојки кои помагаат да се стимулира креативноста

Креативна блокада – сите сме ја доживеале. Иако понекогаш, се чини, дека нема помош, храната е таа која може да ни биде извор на продуктивност. Ако сакате максимално да го искористите своето време и да се поврзете со вашата креативна страна, испробајте ги следниве шест намирници.

Морски алги

Алгите се богати со аминокиселина наречена тирозин, која ја стимулира активноста на мозокот. Тирозинот помага да се создаде допамин, кој потоа управува со креативноста, а некои студии дури покажале и дека помага при „длабокоумно“ и апстрактно размислување.

Авокадо

За да можеме креативно да размислуваме на нашиот мозок му треба постојан проток на крв и гликоза. Авокадото го зголемува протокот на крв и на тој начин доставува кислород, кој им е потребен на нашите клетки на мозокот. Исто така, авокадото е одличен извор на влакна кои го намалуваат гладот.

Зрнесто овошје

Најдоброто нешто за зрнестото овошје е фактот дека имаме толку голем избор на овошје, а секое од нив содржи тирозин. Исто така, зрнестото овошје ја одржува комуникација помеѓу нашите мозочни клетки и помага да се активираат факторите, кои помагаат кога ни треба креативно размислување.

Ореви

Изгледот понекогаш може да не измами, но не и кога станува збор за оревите! Нивниот изглед навистина наликува на мозок, а тие се полни со корисни состојки кои помагаат да се стимулира креативноста. Мелатонин, антиоксиданти и омега-3 масни киселини, кои може да се најдат во оревите, дури помагаат и да се намали штетата која се случува за време на мозочен удар или други повреди на мозокот.

Темно чоколадо

Флавоноидите, хранливи материи кои може да се најдат во чоколадото, го зголемуваат протокот на крв во мозокот. Темното чоколадо содржи совршена количина на кофеин и магнезиум, кои помагаат да се намали стресот и да се создадат „хормони на среќата“, како што се серотонин и ендорфин. Се разбира, не треба да се претерува со количината.

Зелен чај

Чајот можеби не содржи иста количина на кофеин како кафето, но таа количина е доволна за да не држи будни. Зелениот чај содржи теанин, важна аминокиселина која помага во когнитивните процеси, а истовремено го намалува стресот. Теанинот помага да се создадат алфа бранови, кои постепено го отпуштаат кофеинот, така што можеме да избегнеме ненадеен пад на продуктивноста и креативноста.