Ако потекнувате од семејство каде членовите се леваци, може да имате подобро помнење од оние кои пишуваат со десна рака, покажало едно истражување. Заклучоците се донесени врз основа на теоријата дека двете хемисфери на мозокот работат заеднички за да ни овозможат да ги запомниме случувањата.
Резултатите од истражувањата, исто така, објаснуваат зошто децата не помнат сеќавања до својата четврта година. Во тој период на раст и развој врската меѓу двете мозочни хемисфери во целост созрева и се развива.
Научници од Универзитетот во Охајо, Стивен Кристман и Рут Пропер, пронашле поврзаност меѓу леваците и помнењето. Оваа теорија важи и за лицата кои се деснаци, но имаат предци кои се леваци. Студијата укажува дека деснаците кои имаат родинини леваци имаат подеднакво распоредени центри во мозокот, поголем број врски помеѓу хемисферите и мозочната формација која ги поврзува двете, за разлика од деснаците.
Научниците истражувале два вида на помнење – епизодично (присетувања и препознавање на случувањата), неепизодично (трајна меморија) и имплицитна меморија. Утврдено е дека леваците имаат супериорна епизодична меморија, а послаба имплицитна отколку деснаците.
Заклучокот е дека лицата кои се леваци имаат посилно изразена врска меѓу хемисферите и подобро ги паметат случувања отколку фактите.
