Мача, зеленото богатство од Далечниот Исток

Мача е прав од мелени листови од зелен чај и доаѓа од Јапонија, каде што се користи за подготовка на чај или како состојка во различни јадења

Мача е прав од мелени листови од зелен чај и доаѓа од Јапонија, каде што се користи за подготовка на чај или како состојка во различни јадења. Мачата е дел од јапонската традиција на пиење чај, а особено се користи за различни прослави стотици години наназад.

Листовите од зелениот чај кои се користат за мача се берат неколку недели пред периодот за берба од грмушките кои се скриени од сончевата светлина, што резултира со синтеза на хлорофилот и повисоки нивоа на аминокиселини, особено L-theanine.

Листовите се берат рачно, по што се ставаат на пареа, па се сушат. Откако листовите ќе се исушат се мелат со камена мелница во ситен прав- мача.

Мача зелениот чај е:

  • природен антиоксиданс, содржи голема количина на антиоксиданти, вклучувајќи EGCg,
  • природен додаток за губење на тежината, бидејќи го поттикнува метаболизмот и троши калории,
  • овозможува pH рамнотежа и детоксикација на телото,
  • алтернатива на кафето, без да предизвика чувство на нервоза и го подигнува расположението
  • го смирува умот и го опушта телото,
  • богат е со растителни влакна, хлорофил и витамини,
  • го зголемува расположението и може да ја зголеми концентрацијата,
  • богат е со витамин Ц, селен, хром, цинк и магнезиум,
  • штити од болести,
  • го намалува холестеролот и шеќерот во крвта