Тие анализирале над три милиони потврдени случаи на болеста КОВИД-19 од 46 земји и 44 сојузни американски држави од 1 јануари до 1 јуни 2020, пренесува француската новинска агенција АФП. Утврдиле дека ризикот од зараза со висуот SARS-CoV-2 е ист и за жените и за мажите, бидејчи точно половина од случаевите виле потврдени кај машкиот пол. Но, мажите имале речиси три пат поголеми шанси од жените да бидат хоспитализирани на идделите за интензивна нега и 39 проценти поголеми шанси да умрат од вирусот, покажала студијата.
“Тие податоци би можеле да им помогнат на лекарите да увидат дека полот е ризик фактор за тешка форма на болеста“, вели коавторката на студијата, Кејт Веб.
“Полот е променлива, недоволно наведена во многу истражувања и ова е потсетник дека полот е важен фактор кој треба да се земе предвид во истражувањата“, додава професорката, потенцирајќи дека трендот е глобален со ретки исклучоци и може главно да се објасни со биолошки разлики.
“За разликите според полот на вродениот имунитет и оној кој подоцна се развива веќе се пишуваше и може да се објасни женската предност кај заболувањето од КОВИД-19“, велат авторите.
Жените природно произведуваат повеќе интерферонски протеини тип 1 кои го ограничуваат абнормалниот одговор на имуниот систем познат како цитокинска бура за кој се верува дека игра улога во развојот на тешки форми на КОВИД-19. Женскиот хормон естрадиол може исто така да им помогне на жените да ги елиминираат тешките форми на вирусот оти го јакне одговорот на Т клетките кои ги уништуваат заразените клетки и го зголемуваат производството на антитела, се наведува во студијата.
“Од друга страна, машкиот хормон тестостерон го потиснува имунитетот“, додаваат авторите.
Разликите според полот во коморбидитетите поврзани со тешка форма на КОВИД-19 може да ги изложат мажите на многу поголем ризик, напишале научниците во истражувањето, но додаваат дека недостасуваат податоци кои би одговориле на прашањето за улогата на другите здравствени тегоби.
