Медитеранската исхрана може значајно да го намали ризикот од една од водечките причини на губење на видот во повозрасниот животен период – сенилната макуларна дегенерација, укажува нова студија спроведена во Холандија, кај речиси 5 000 испитаници на возраст од над 55 години.
Резултатите од истражувањето покажале дека лицата кои практикувале медитеранска исхрана имале за 41 % помал ризик за развојот на сенилна макуларна дегенерација.
Инаку, хроничните болести како што се и сенилната макуларна дегенерација, деменцијата, дебелината и дијабетесот имаат корени во лошите прехранбени навики, истакнуваат стручњаците.
Исто така, вредно е да се спомене дека за медитеранската исхрана каракеристично е консумирањето на зеленчук, овошје, мешунки, житарки, маслиново масло и риба.
Сенилната макуларна дегенерација предизвикува слабеење на средишниот вид, што е пресудно во секојдневните активности како возењето, читањето и пишувањето.
