Медот чисти, штити и лекува рани, а во негата на кожата се користи ширум светот. Во него има разни протеини, хидроген и глуконска киселина која ги лекува ситните ранички, но и акните. Неговите аминокиселини го обновуваат ткивото и ги одржуваат поткожните влакна поцврсти. Освен тоа богат е со мелатонин кој го опушта телото во текот на сонот и и помага на кожата да изгледа поздраво.
Полн е со флавоноиди, вистински ризници на здравје кои служат во ублажување на нерамнотежата на радикалите, токсините и антиоксидантите во телото што води кон оштетување на ткивата.
Можеби медот со сите свои калории звучи како необичен начин за симнување килограми, тој всушност многу помага. Студиите покажале дека консумацијата на мед место производите полни со сахароза има подобро влијание и резултира со помала килажа. Освен тоа, таблетите кои ја контролираат тежината покажале полоши резултати во однос на медот.
Високото ниво на холестерол може да биде фатално затоа што предизвикува мозочни и срцеви удари. А редовното консумирање мед го ограничува зголемувањето на глукоза во крвта и го намалува вкупното ниво на холестерол и триглицериди, покажала една студија.
