Мислевте дека портокалот има најмногу витамин Ц?! Еве каде го има повеќе

Едно слатко, сочно манго содржи дури 122 мг витамин Ц! Исто така е одличен извор на зеаксантин, антиоксидант кој помага да се одржи здравјето на вашите очи

Првата асоцијација за портокалот е витамин Ц, но верувале или не, портокалот не е најголемиот извор на витамин Ц. Еден среден портокал содржи околу 70 мг витамин Ц, а следниве девет намирници содржат многу повеќе од овој супер витамин. Впрочем, летото е идеално време да го наполните организмот со витамини, а витаминот Ц докажано ги амортизира последиците од исцрпеност поради топлина, а, исто така, помага и во обновувањето на кожата по изгорениците од сонце.

Јагоди

Една шолја јагоди содржи околу 85 мг витамин Ц, како и моќна доза на манган која може да помогне во одржување на стабилно ниво на шеќер во крвта. Ако сте во можност купете органски јагоди, со оглед на податокот дека „обичните“ се наоѓаат на листата земјоделски производи со најмногу пестициди (според истражувањето на американската организација „Environmental Working Group“).

Ананас

Освежителен и вкусен, една шолја ананас содржи околу 80 мг витамин Ц, но за разлика од повеќето други видови овошје содржи и значително ниво на бромелаин, кој му помага на дигестивниот систем.

Келераба

Гледајќи ја и не е нешто особено на изглед, но важно е она што е внатре – шолја келераба содржи околу 84 мг витамин Ц. Исто така, како и другата храна од нејзиното семејство содржи и некои состојки кои помагаат во борбата против ракот. Можете да подготвите супа од келераба, да ја сварите или испечете, а сурова може да се комбинира со други состојки во сезонски салати.

Манго

Едно слатко, сочно манго содржи дури 122 мг витамин Ц! Исто така, е одличен извор на зеаксантин, антиоксидант кој помага да се одржи здравјето на вашите очи. Ако немате време за лупење на мангото, без грижа, и замрзнатата варијанта е подеднакво здрава.

Прокељ

Една шолја од овој не многу омилен зеленчук содржи 75 мг витамин Ц, како и хранливи материи кои помагаат во борбата против ракот. Ако не ви се допаѓа вкусот на прокељот, можете да го ублажите со разни други состојки.

Киви

Само две кивија содржат дури 128 мг витамин Ц, а студиите покажуваат дека кивито може да ви помогне и побрзо да заспиете, како и да го подобрите квалитетот на спиењето. Причината е, веројатно, неговото високо ниво на серотонин, хормон кој го регулира спиењето и го иницира почетокот на сонот.

Папаја

Исто како што е случај и со нејзините тропски роднини, манго и ананас, и папајата е полна со витамин Ц – еден помал плод содржи околу 95 мг на витамин Ц. Исто така, папајата содржи папаин, ензим кој ги ублажува воспалителните процеси.

Пиперки

Пиперките, исто така, содржат повеќе витамин Ц од портокалот. Во една шолја сечкана жолта пиперка има 180 мг.

 

Брокула

Шолја исечкана, сурова брокула содржи околу 81 мг витамин Ц, како и количина на витамин К (важен за здравјето на коските и правилно згрутчување на крвта), која ви е доволна за цел ден.