Млада мајка (26) на две деца не е во можност да уринира пет години после раѓањето на нејзината ќерка.
Рејчел Инграм од Ашфорд, Кент, се породила пет дена пред нејзиниот термин со ќеркичката Исла, која сега има пет години, а морала да биде породена итно. Тогаш Инграм почнала да развива рекурентни уринарни инфекции, како и абдоминална болка, која ја довеле до врескање и агонија два часа додека се обидувала да оди во тоалет.
Иако нејзините симптоми биле првично опишани како уринарна инфекција, на Инграм и бил дијагностициран Фаулеров синдром, кој ги погодува жените, откако докторите откриле два литра течност во нејзиниот мочен меур.
Инграм, чија состојба предизвикала да развие сепса двапати во изминатите 18 месеци, е принудена да зема 230 таблети неделно за да се справи со болките и ситуацијата во која се наоѓа
Откако имала итна операција за да се отстрани урината од нејзиниот мочен меур, г-ѓа Инграм, која претходно била здрава, преживеала рекурентни инфекции на уринарниот тракт и спазми на мочниот меур.
Во обид повторно да се врати функцијата на мочниот меур, г-ѓа Инграм имала „пејсмејкер“ поставен на основата на нејзиниот ‘рбет.
Пејсмејкерите на мочниот меур испраќаат електрични сигнали низ нервни патишта кои тргаат од мозокот до нервите во долниот дел на грбот кои го контролираат мочниот меур.
Но, оваа постапка била неуспешна и предизвикала оштетување на нервите во нејзините нозе, што резултирало со движење со помош на патерици.
Инграм, која се соочила и со губење на свеста поради болка од бубрежни камења, надополнети со Фаулеровиот синдром, исто така, мора секој ден да зема антибиотик како превенција од инфекции на уринарниот тракт.
Младата мајка, која била принудена да се откаже од својата работа и се потпира на нејзиниот сопруг, во наредниот период ја очекува операција, со која треба да се направи канал во мочниот меур преку кој ќе може да се вметне катетер за да се испразнува урината, пишува „Дејли мејл“.
