Можни симптоми на карцином кои најчесто се игнорираат: Крв во урината бара итна посета на доктор!

Долготрајна и упорна кашлица, болки во грлото, губење на килограми се знаци на кои често не обрнуваме доволно внимание, но токму малите тегоби може да бидат симптоми на посериозна болест

Ова се некои од симптомите кои треба сериозно да се сфатат:

Кашлица

Се уште владее сезоната на грип и настинка, па кашлицата е нешто кое се „подразбира“. Но доколку е упорна и не престанува со денови може да биде симптом на повеќе сериозни проблеми – рак на гркланот, тироидната жлезда или лимфом.

Промени во варењето на храната

Иако овие промени се најчесто резултат на слабата исхрана или лекови, ако постојано се повторуваат може, исто така, да бидат и симптом на рак на дебелото црево.

Крв во урината е сериозен симптом

Уринарни проблеми

Ако забележите крв во урината, без разлика дали сте жена или маж, болка или постојана потреба за мокрење, дефинитивно е време да се јавите на вашиот лекар, бидејќи тоа може да биде симптом на рак на мочниот меур, бубрезите или простатата.

Необјаснива болка

Силната и упорна болка во телото е секогаш сигнал за проблем, а може да биде што било – од рак на коските до рак на јајници.

Болно грло

Ако болката не е поврзана со настинка или грип, упорна е и силна, може да укажува на многу посериозна состојба, како што е ракот на грлото.

Губење на тежината

Американското здружение за рак потсетува дека необјаснивото губење на килограми (од 10 кг па нагоре) може да биде прв знак за рак

Крвавење

Појавата на крвавење кое не е нормално, на делови од телото кои обично не крвават или отскокнување од вообичаеното крвавење кај жените може да биде аларм и знак за посета на лекар.

Младежи кои го смениле изгледот

Проблемот се јавува кога младежот расте одеднаш, ја менува бојата, крвави и чеша. Следете ги младежите и задолжително консултирајте се со лекар ако забележите некоја од овие промени.