Вкусните мушмули се есенско овошје кое има силно противвоспалително дејство врз целиот организам. Со векови се користат за дигестивни тегоби, затоа што успешно ги спречуваат желудочните инфекции и спречуваат надуеност. Важат за силен и природен лаксатив, а заради своето антивирусно и антибактериско делување помагаат при ублажување на воспалението на крајници и дишни патишта.
Пектинот или овошното желе кое го содржи ова овошје помага и во намалување на холестеролот. Полни се со железо, кое е клучен дел на протеинот хегмоглбин кој на крвта и ја дава темноцрвената боја и пренесува кислород до клетките. Тоа практично значи дека мушмулата може да спречи и излечи анемија настаната како резултат на недостаток на овој минерал.
Дури и зелените плодови може да бидат лековити, затоа што од нив се прави чај кој успешно лекува дијареја. Зелената мушмула е позната и како одлично противвоспалително средство – помага при лекување на отворените рани (афти) во устата.
Против афти
Чајот се приготвува од супена лажица иситнети зелени мушмули и два децилири вода. Иситнетите плодови се преливаат со врела вода, се поклопуваат, се оставаат да отстојат еден час, а потоа се процедуваат. Во текот на денот се пијат две шолји, а усната шуплина се испира неколку пати на ден.
