МУСКАТНО ОРЕВЧЕ: Лековито, но само во мали дози

Бидете внимателни: во големи количини може да предизвика прекумерно потење, нервоза, брзо чукање на срцето, а во прекумерни - халуцинации и грчеви

Максималната дневна доза на овој зачин се препорачува до три грама. Мускатното оревче е лековито, но само во мали дози.

Во големи количини може да предизвика прекумерно потење, нервоза, брзо чукање на срцето, а во прекумерни – предизвикува халуцинации и грчеви и е опасно по живот!

Енергетски станува збор за исклучително богата намирница, која се препорачува да се додаде на крајот на подготовката на јадењето, бидејќи термичката обработка ја ослабува, и со квалитет и со интензитет на вкусот.

СОСТОЈКИ

Мускатното оревче е богато со есенцијални масла, минерали (бакар, калиум, калциум, манган, железо, цинк, магнезиум), Б витамини и моќни антиоксиданти – флавоноиди

ПОМАГА ПРОТИВ ЛОШО РАСПОЛОЖЕНИЕ – Според наодите на научниците, мускатното оревче има дејство слично на антидепресив, и може да се користи за ублажување на симптомите на депресија.

ЗДРАВИ ЗАБИ – Мускатното оревче одлично го ублажува воспалението на непцата (гингивитис) и генерално се препорачува за нега на усната празнина. Во чаша топла вода додадете половина кафена лажичка мускатно оревче во прав, измешајте и направете гаргара.

ЛОШ ЗДИВ Оревчето се користи во лекување на лош здив и е честа состојка во пастата за заби и течноста за плакнење на устата.

ПРОТИВ НАДУЕНОСТ – За ублажување на надуеноста и други дигестивни проблеми, пијте чај од нане во кој ќе додадете малку рендано мускатно оревче.