Најчести симптоми на мултиплекс склероза

Мултиплекс склерозата е најчеста хронична невролошка болест кај возрасни лица од 20 до 50 години. Жените се погодени два пати почесто од мажите.

Мултиплекс склерозата (МС) е хорнична воспалителна болест на средипниот нервен систем, што значи дека воспалителните оштетувања може да го зафатат големиот и малиот мозок, мозочното стебло и ‘рбетниот мозок.

Станува збор за многу подмолна болест, со оглед дека бројни други здравствени состојби може да предизвикаат слични симптоми. Од друга страна, може да поминат години или декади додека мултиплекс склерозата да се дијагностицира.

Симптомите на болеста и нивната зачестеност се разликуваат од лице до лице. За едно лице, прв симптом на МС може да биде трнење, а за друго вртоглавица, а за трето хроничен замор. Ова се најчестите симптоми:

ЗАМОР

Околу 80% од луѓето со МС доживуваат замор, но до него може да дојде и поради многу други причини. Некои луѓе доживуваат многу сериозен замор кој се јавува секојдневно и се влошува како поминува денот. Заболените тврдат дека такво нешто претходно не доживеале и дека овој тип на замор многу се разликува од нормалниот.

ТРНЕЊЕ

Трнењето (или недостаток на осет во разни делови на телото) често е еден од првите симптоми кои лицата со МС ги тера да побараат лекарска помош. Може да се појави на лицето, телото, нозете или рацете и може да го отежнува одењето, држењето предмети, па дури и џвакањето, доколку трнењето влијае на лицето. Понекогаш ова чувство се влошува и трае со часови, но потоа се намалува.

ПРОБЛЕМИ СО РАМНОТЕЖА И КООРДИНАЦИЈА

Проблемите со движењето се знак за МС. Оштетувањето на нервната спроводливост значи дека мускулите не се однесуваат на начин на кои се навикнале. Заболените велат дека доживуваат изненадна слабост во екстремитетите, така да им испаѓаат предмети од раце. Доколку дошло до оштетување на делот на мозокот кој ја контролира рамнотежата, лицата исто така може да станат нестабилни и се склони да паѓаат.

СПАСТИЧНОСТ

Спастичноста може да вклучува вкочанетост, како и ненадејна контракција на мускулите. Како симптом на МС тоа најчесто се случува во нозете и може да се почувствува како благо чувство на стегање на мускулите или како сериозна болка.

ПРОБЛЕМИ СО ВИДОТ

Како и трнењето, проблемите со видот се едни од најчестите рани симптоми и причина за посета на лекар. Проблемите може да се манифестираат како двојно гледање, болка во окото, замаглен вид.