Потребно е да одвоите само 10 минути за да го подготвите лекот кој ќе ви помогне да имате цврсти и здрави нокти.
Малиново масло и сок од лимон
Една лажичка маслиново масло помешано со неколку капки сок од лимон е многу моќен лек кој ќе ви помогне доколку го нанесувате на ноктите два пати неделно, Мешавината темелно измасирајте ја во ноктите, оставете да се впие, а потоа навлечете памучни ракавици и оставете да делува преку цела ноќ.
Масло од чајно дрво и витамин Е
Лажичка масло од чајно дрво во комбинација со неколку капки витамин Е не само што ќе ви помогне да имате цврсти и здрави нокти, туку ќе спречи и појава на габички на ноктите и успешно ќе ги залечи сите постоечки инфекции. Нанесувајте на ноктите колку што можете почесто и ефектите ќе бидат видливи за многу кратко време.
Морска сол
Помешајте 10 грама морска сол со две капки сок од лимон или етерично масло од темјан. Добиената мешавина истурете ја во сад со топла вода и накиснете ги ноктите 10 до 15 минути. Постапката повторувајте ја два пати неделно.
Пиво
Пиво, маслиново масло и јаболков оцет се одличен лек за кршливи нокти. Загрејте 60гр маслиново масло и помешајте го со исто толкава количина јаболков оцет и 120мл пиво. Потопете ги ноктите во добиената мешавина на 15 минути, два пати во неделата.
Сок од лимон
Средствата за отстранување на лак за нокти може да влијаат на сушење и разлистување на ноктите, а многу често стануваат и пожолтени. За да го избегнете ова, исцедете два лимона, натопете памук во добиениот сок и преминете преку ноктите. Слободно масирајте ги ноктите со лимонов сок, и кога ноктите ќе се исушат, измије ги со млака вода. Вашите нокти ќе изгледаат многу подобро, а од жолтите флеки нема да има ни траг. Повторувајте ја постапката по потреба.
