Намирници кои имаат помалку од 40 калории

Сите кои до сега испробувале диети, знаат дека нема состојка која не содржи калории во себе. Но, кога се работи за нивно пребројување, овие намирници ќе ви ја олеснат работата.

Многу често во разговорите слушаме: колку таа намирница има калории, тоа е премногу калорично… Во продолжение прочитајте кои се тие намирници кои содржат помалку од 40 калории, а кои се вкусни, здрави и нудат чувство на ситост.

Домат – содржи ликопен, антиоксидант кој многу ретко се појавува во храната. Студиите покажуваат дека доматот ја штити кожата од штетните ултравиолетови зраци и го намалува холестеролот. Доматот содржи големи количини магнезиум, влакна и витамин Ц.
Пиперка – лута или блага пиперката е полна со витамин Ц и влакна. Јадењето зачинето со пиперка му помага на телото да согори 100 калории по оброк.

Спанаќ – вкусен зеленчук богат со железо, фолна киселина и витамин К. Содржи антиоксиданти, како бета каротен, но и лутеин кој е одличен за заштита на очите. Спанаќот може да се користи како замена за зелка во салата или може да го додадете во омлет со печурки и лук.
Тиквичка – многу заситува, вкусна е, а сепак е нискокалорична намирница. Тиквичката содржи големи количини витамин А, лесно се подготвува, а може да се јаде и свежа.
Лимон – агрумите се полни со витамин Ц и влакна. Студиите покажуваат дека консумирањето лимон при првите знаци на која било болест може да го намали нејзиното траење.
Лук – за корисните здравствени својства на лукот знаеме сите, но помалку е познато дека е исклучително добар во контрола на системот за варење. За да ги искористите корисните својства на лукот, најдобро е ситно да го исечкате и да оставите да отстои 10 минути.