Како што постојат афродизијаци – храна која го подобрува либидото, така постојат и намирници од кои сексуалната желба нагло паѓа.
Соја – Сојата е одлична за организмот, но може негативно да влијае на либидото. Кај мажите може да го намали нивото на тестостерон, како и бројот на сперматозоиди.
Пуканки од микробранова печка– Вака подготвените пуканки имаат негативно дејство врз сексуалниот живот. Истражувањата покажале дека кај мажите се намалува бројот на спермотозоди.
Диетални сокови – Големата количина на засладувачи го намалуваат нивото на серотонин, хормон кој влијае на чувството на задоволство, што значи и помалку уживање во сексот.
Бело брашно – Обработената храна и белото брашно не содржат речиси никакви нутритивни вредности – од нив се отстранети сите потребни витамини и минерали. На пример, во споредба со интегралните житарки, белото брашно содржи до ¾ помалку цинк кој е неопходен за нормално функционирање на организмот. Консумирањето на бело брашно може да доведе до инсулинска резистенција и дијабетес кој го зголемува ризикот од срцеви заболувања и еректилна дисфункција.
Цвекло – Додека цвеклото ја подобрува функцијата на мускулите, овој зеленчук не е идеален за сексуалната функција. Консумирањето на цвекло може да го зголеми нивото на естроген во организмот, хормон кој може да влијае негативно на оние кои веќе имаат хормонален дисбаланс во организмот.
Бобинки – Бобинките содржат голема количина на пестициди кои имитираат естроген и на тој начин може негативно да влијаат на сексуалната желба.
Флаширана вода – Постојат многу причини зошто би требало да се избегнува флаширана вода, а супстанците пронајдени во пластичните шишиња се најголемиот виновник за здравствени тегоби. Штетната хемиска супстанца бисфенол А, познат како БПА, може да доведе до сексуална дисфункција, намален број на сперматозоиди кај мажие и јајце клетки кај жените.
